El Pilier Rugby Club ye un club de rugbi de la villa de Grau, n'Asturies. Fundóse en 1989 y xuega en categoría rexonal, disputando los encuentros como llocal nel campu de rugbi d'El Casal. El so primer presidente foi Benjamín Lópezy vien xugando en categoríes rexonales dende la so fundación. Destaquen na so historia dos xugadores, los hermanos Carlos y Sergio Souto, que tres pasar pol equipu llegaron a xugar na seleición española. L'equipu organiza'l tornéu de seven Villa de Grado, ún de los más importantes nel circuitu amateur masculín y femenín, tanto pola cantidá de participantes, más de 70 equipos na edición de 2019, como pola calidá de los mesmos, contando con participantes como los españoles Wiss the Mama o los suizos Nyon Rugby Club y xugadores internacionales como Thierry Feuteu.